ප්‍රවීණ ලේඛක පියසේන වික්‍රමගේ විසින් සංස්කරණය කරන ලද ‘මධුර වසන්තේ’ කෘතිය සරසවි ප්‍රකාශනයක් ලෙසින් පාඨකයා වෙත ඉදිරිපත් වී ඇත. හැත්තෑව දශකයේ ජීවමානව සිටි විශිෂ්ටයන් 28 දෙනෙකුගේ සංවාද ඇතුළත් මෙම කෘතියේ සිනමාව, නාට්‍ය හා සාහිත්‍ය විශේෂාංග රැසක් ඇතුළත්ය.
1947 සිට 1970 දක්වා සිනමාව පිළිබඳව සිනමා ලෝකයේ දැවැන්තයන්ගේ මතවාද ඇතුළත් ලිපි, නාට්‍ය හා සංස්කෘතිය, චිත්‍ර කලාව, බුදු දහම පිළිබඳව කෘතහස්ථ ලේඛකයන් විසින් ලියන ලද ලිපි, සිංහල චිත්‍රපට අධ්‍යක්ෂවරුන් සම්බන්ධ ලිපි ද මෙහි වේ. සාහිත්‍ය‍වේදීන් විසින් මහා ගත්කරු මාර්ටින් වික්‍රමසිංහ සූරීන් හට උපහාර පිණිස ලියන ලද ලිපි පෙළක් ද මෙහි වේ.
සිනමාවේදී සුගතපාල සෙනරත් යාපා සහභාගිත්වය දැරූ රජයේ ලිපිකරු සේවා සංගමයේ සාහිත්‍ය සංගායනා ද මධුර වසන්තේ ඇතුළත්ය.
0 Comments:
Post a Comment